Nerea Arrien, Estibalitz Jalon. Erein, 2016. (euskaraz) adina: 10-12 urte

Neska gazte baten barneko bizitzan sartzen gara Pentsatzeko txokoa liburuarekin. Neska horri biziki laket zaio pentsatzea, bere buruari galdera anitz pausatzea. Baina beste gazte guziek bezalako arrangurak dituen neska da: bere burasoen arteko kalapitak (ama “kaskarina” eta mundua printzipioekin eta hitz handiekin mugatzen duen aita), irakasle moldakaitzak eta estimatuak, maitasuna, munduko arazoak... Bere inguruan gertatzen denari buruargitasunarekin eta lañotasunarekin begiratzen dio eta bere ikuspuntua freskotasunez josia da. Nerea Arrienen estilo biziari esker denak errazki sartzen ahal dira ipuin horretan. Erranaldiak laburrak dira, hiztegia argia da, eta aipatzen diren gaiak sinpleak dira, baina sakonak, filosofikoak berdin. Estibalitz Jalonen irudietan agertzen diren pertsonaiek printzesen itxura dute, eta horrek pentsaraz lezake liburua ez dela mutikoentzat idatzia. Pena liteke. Denentzat egina delako, bereziki gure burmuinean gertatzen dena egiazko altxorra dela ulertu duenarentzat.

Elise Dilet, Ikas pedagogia zerbitzua

10-13 urteko gazteentzat

XXXIV. Lizardi saria 2015

Non aurkitu obra hau?

 

Bilaketa

Dokumentu bat bilatu

Artikulu bat bilatu