Azken berriak

Euskarazko irakurketa kluba bat Baionan

Irakur! Lire en basque zikloa baitan, Baionako lehen euskarazko irakurketa kluba abiatuko da. Hitzordua finkatua da Baionako Mediatekan euskarazko literatura elkarrekin irakurri, ulertu eta gozatzeko.

Lehen hitzordua 2017ko urriaren 2an, 18:15an ezarria da, Harkaitz Canoren Paradisuaren ifrentzua bildumako hiru ipuinak aipatzeko (Bilduma libreki telekargatzen ahal da Booktegi.eus gunean)

Gehiago jakin :  http://www.mediatheque.bayonne.fr/OpacWebAloes/index.aspx?IdPage=818

Nafarroko historia Donibane Garaziko liburutegira

Lehengo Nafarroaren Lagunak elkarteak eta Euskal Elkargoak hitzarmen bat izenpetu dute Garazi-Baigorriko liburutegiaren funtsei jauzi kantitatibo eta kalitatibo bat eginaaraziko diena.

1962an bi Nafarroen harremanak azkartzeko eta Nafarroa Behereko ondare historiko eta kulturalaren ezagutarazteko sortutako elkarteak 600 liburu eta 1000 aldizkari mediatekan uzteko erabakia hartu du. Hitzarmena izenpetu da 2017ko agorrilaren 4an, Beñat Arrabit, Euskal Elkargoko lehendakari ordea, Bruno Carrère, Euskal Elkargoko kultur partaidetzei dedikatua, Louis Gentien eta Jean-Louis Daguerre, Lehengo Nafarroaren Lagunak elkarteko lehendakari eta lehendakari ordeen artean.

Gernika: Voices after the Bombs

Nevadako Reno hirian, Jon Bilbao Euskal Liburutegiak eta Williams A. Douglas euskal ikerketa zentroek behin-behineko erakusketa bat antolatu dute Gernikaren bonbardaketaren 80. Urtemuga kari, garaiko irudi eta lekukotasunak bilduz, hiru hizkuntzetan (ingelesez, euskaraz, espainolez). Europatik kanpo guti ezagutua den gertakari historiko nagusi hortaz ohartarazteko ekimen bat.

Erakusketa webgune berezi batean ikusgarri dago, baita era Youtube plataforman.

https://www.youtube.com/watch?v=yCxOaT4NzLM

Bilaketa

Dokumentu bat bilatu

Artikulu bat bilatu

Azken berriak