Azken berriak

"Sans nom sarea" dokumentala ikusgai

1942an, II. Mundu Gerra erdian, Alemania naziak Frantzia okupatu zuen. Erresistentziak ihes sare ugari jarri zituen martxan, jendeari Europa nazitik aliatura ihes egiten laguntzeko. Hauen artean, Mendibe-Orbaizeta artean sekretuan jarduten zuen ihes sarea zegoen; hain sare sekretua, ezen izenik ere ez zuen. Espioiak, sare klandestinoak, kontrabandoa, elkartasuna, erresistentzia, esperantza… hau guztia eta gehiago da Sans Nom Sarea dokumentala.

Berrogeialdia nolabait arintzeko, hainbat kultur elkarte eta egitura mobilizatu dira publikoari beraien sorkuntzak libreki eskaintzeko. Bira produkzioak ikus-entzunezko kooperatibako Beñat Iturriozen Sans Nom Sarea dokumentala (33:00), KANALDUDEren gunean Nahieran ikusgai ezarri du.

  

Filma ikusi

Konfinaturik ere #7

Konfinaturik ere, Nora Arbelbide Lete Biarritzeko mediatekako liburuzainarekin hitzordua. Gustatu zaizkion euskarazko dokumentuen - liburuak, musika, filmak... - aurkezteko parada Norarentzat.

 

Konfinaturik ere #7: Zumetarekin

 

 

Jose Luis Zumeta margolaria 81 urterekin zendu berri zaigu.

Bere koloreekin, abstrakziorekin, hiru belaunaldi zeharkatu ditu. Ezaugarrietako bat? Izenik gabe izendatzen zituen margo gehienak: "Egia esateko, ez nuke jakingo zein titulu jarri. Nahiago dut irekia utzi. Jendearen arabera, bakoitzak bere interpretazioa egingo du", azaldua izan du artistak (Berria, 2014)

Hemen bere webgunea

Enara Goikoetxea eta Monika Zumetaren Izenik Gabe/200 x 133 dokumentalak artistaren sortze prozesua erakusten du: dokumentalaren lotura hementxe.

Beste ezaugarrietako bat? Hainbat kantuei koloreak jarri izana. Bereziki Mikel Laboaren kantuei, diskoen azalen bidez. Mikel Laboaren diskografia, biografiak eta hitzak, Zumetaren azalekin hemen.

Hemen Mikel Laboaren kantu zenbait, Xume (Mikel Laboa katedra, Elkar) liburuan agertzen direnak, zuzenean grabatuak:

Lili bat, Joseba Sarrionandiak idatzia
Antzinako bihotz, Bernardo Atxagak idatzia
Gaberako aterbea, Bertolt Brechtena
Xori Erresiñula, kantu herrikoia

Zumeta Gaur taldearekin hasi zen gaztetan. Gaur taldeak bere eragina izan zuen euskal abanguardian. Baionako Euskal museoak erakusketa eskaini zion 2018an. Aurkezpena hemen.

Bonus txiki bat, 20 minutako bidai esperimental bat: Komunikazio Inkomunikazioa, Mikel Laboa (1984).

Eta bidea ez baita eten, beste bi bonus. Bata, Gaberako aterbea Negu Gorriak taldearen bertsioan eta Antzinako bihotz Anarik kantatua.

  

Ikus Mintzalasai gunean

Euskal kultur munduan greba digitala

Kultur munduko langileak bortizki hunkitzen ditu COVIDaren krisiak, eta denbora berean, sekulan bezain gehiago ibiltzen dira sare sozial guzietan kantuak, irakurketak, filmak, antzerki grabatuak, liburu gomendioak, egongelako kontzertuak, dantza ikastaroak…

Hortakotz euskal kultur munduko 1000az goiti idazle, sortzaile, egileek dei bat egiten dute Euskal Herriko gizarteari baita erakunde publikoeri.
Hauen mezua hau da: gaurko krisiak nabaritzen du premiazkoa eta beharrezkoa dugula kultura. Eta denbora berean osoki hauskor eta babesgabea gelditzen da euskal kultur ekosistema.
Galdegiten da konzertazio bat plantatzea Iparraldeko, Euskadiko eta Nafarroako erakundeen artean, urgentziazko eta epe luzerako neurri salbagarriak hartzeko.

Hortarako, greba digitala egitera apirilaren 21 eta 22an deia zabaldua izan da. Xedea da gizartearen baitan kontzientzia hartze baten eragitea, gure kulturaren biziraupena bermatzeko.

 

 

IkusKulturgintzan.eus

 

Konfinaturik ere #6

Konfinaturik ere, Nora Arbelbide Lete Biarritzeko mediatekako liburuzainarekin hitzordua. Gustatu zaizkion euskarazko dokumentuen - liburuak, musika, filmak... - aurkezteko parada Norarentzat.

 

Konfinaturik ere #6: Elsa Scheelen, Txillardegi (1969) eta Egunero hasten delako, Ramon Saizarbitoria (1969).

 

 

Gisèle, Egunero hasten delako liburuko protagonista da. Eleberria ez da sarean baina hitzaurrea eta lehen orriak hemen irakur daitezke.

Elsa Scheelen eleberriak bezala iaz 50 urte bete zituela ere Egunero hasten delako liburuak, Amagoia Gurrutxagak Berria egunkarian serie biziki interesgarria idatzi zuen. Irakurri hemen.

Txillardegiri dagokionez, Elsa Scheelen liburua osorik irakurtzen edo entzuten ahal da Booktegin.

  

Ikus Mintzalasai gunean

Bilaketa

Dokumentu bat bilatu

Artikulu bat bilatu

Azken berriak