Azken berriak

Bilketaren informazio gutuna

Bilketaren 4. berripaper hilabetekaria joan den astean igorria izan da. Aurki dezakezu helbide honetan : Bilketa.eus > Bilketa > Berripapera > Bilketa - Informazio gutuna - 2015eko urria.

Hilabetean behin Bilketaren berri guziak eskuratzeko (literaturan, musikan, zineman berriki argitaratuak, digitalizatuak izan diren artxiboak, liburutegi sarean gaindi antolatu ekitaldiak), harpide zaitez informazio gutun horri :“Bilketa EU” informazioa euskaraz eskuratzeko, “Bilketa FR” informazioak frantesez eskuratzeko.

Harpidetu

Bea Salaberriren lehen bilduma

Bea Salaberrik (Donamartiri, 1979) bere lehen obra, Baionak ez daki, Susa argitaletxearekin argitaratu du. 33 ipuin laburren – edo mikroipuinen – bilduma bat, eguneroko gertakari xumeen inguruan dabiltzanak. Lehen pertsonan kontatuak, narrazio oso biluzi horiek, “malenkonia alai” batez josiak, irakurlea anekdoten “ifrentzuan dauden” ideiekin buruz buru ematenezartzen? du.

Argazkia : Andoni Canellada / Argazki Press / berria.eus

Kritika osoa berria.eus webgunean aurki dezakezu.

Liburua HTML formatuan (urririk) edo epub formatuan (ordainduz) susa-literatura.eus webgunean aurki dezakezu.

Euskadi literatura sariak

Euskadi literatura sariak urtero euskal erkidegoko idazleek euskaraz edo espainolez idatzitako obra hoberenei banatuak dira.

Azken urteetan, sariztatuak dira euskaraz edo espainolez idatzitako obra literarioak, haur eta gazteendako obrak, euskarazko itzulpenak, euskarazko saiakerak eta espainolezko saiakerak.

Egile bakoitzak 18 000 euro eskuratzen ditu, eta 4 000 gehiago obra beste hizkuntza batera itzulia bada.

2015 urteko sariak urriaren 8an banatuak izan dira:

 

Euskarazko haur eta gazte literatura saria

Yolanda Arrieta Malaxetxebarriaren Argiaren alaba
Autoedizioa, 2014.

Ikus ere Argiaren alaba-ri buruzko fokusa

Euskarazko saiakera saria

Jose Azurmendi-ren Historia, arraza, nazioa.

Elkar, 2014.

Espainolezko literatura saria

Martín Olmos Medina-ren Escrito en negro.
Pepitas de Calabaza, 2014.

Euskarazko literatura saria

Saria Mikel Peruarena Ansaren Su zelaiak (Susa, 2014) eleberriari emana izan da, baina egileak ukatu du.

 

Ikus ere Su zelaiak-ri buruzko fokusa

Ikus ere Uko baten arrazoiak, berria.eus webgunean

 

Ikus ere lehengo urteetako sariak

Euskal diasporaren prentsa zaharra numerizatua

Euskal diasporaren prentsa zaharraen parte handi bat numerizatua izan da, eta sarean eskuragarri, Urazandi Digitala proiektuaren gunean.

Ikerketa eta bilketa lan luze baten ondotik, bereziki liburutegi, Euskal Etxeen artxibotegi, unibertsitate, artxibo publiko eta pribatu, Alberto Irigoyen eta Adriana Patrόn euskal jatorrizko uruguaiarrek 1876 eta 1976 urteen arteko prentsa numerizatu dute eta sarean ezarri Eusko Jaurlaritzaren laguntzarekin.

Bilketa hori Argentinan, Uruguaien eta Txilen abiatu da, eta Hego eta Ipar Amerikara hedatu, baita ere Europako parte batetara.

Han aurki ditzakezu ondoko izenburuak :

-          Argentine - Argentina :

-          Chili - Txile

-          Cuba

-          Etats-Unis – Estatu Batuak

-          Mexique - Mexico

-          Venezuela

-          Uruguay - Uruguai

-          Algérie - Aljeria

-          Colombie - Kolonbia

-          France - Frantzia

-          Guatemala

-          Royaume-Uni – Erresuma Batua

-          Panama

Bilaketa

Dokumentu bat bilatu

Artikulu bat bilatu

Azken berriak