Azken berriak

«Sorcellerie. Manigances et sarabandes» liburuaren izenpetzea

«Sorginkeria. Jukutriak eta dantzak» Claude Labat eta Markok sortu erakusketa urtarrilaren 31a arte luzatua da Irisarriko Ospitalea zentroan.

Bi egileak izen bereko liburuaren izenpetzera etorriko dira urtarrilaren 18n larunbatean 10:30tan.  

Ikus Ospitalearen gunean

Etxepare saria 2020

Euskaraz sortutako albumen ekoizpena sustatzeko helburuarekin sortu zen Etxapare saria 2009n. Nafarroako herri eta eskualde ezberdinetako euskara-zerbitzuek antolatzen dute Pamiela argitaletxerekin lankidetzan eta Nafarroako Gobernuaren babesarekin.

Etxepare sariak haurrei zuzendutako obra ilustratuak sariztatzen ditu. Sorkuntza lanak albumaren ezaugarriak bete behar ditu derrigorrez, hots narrazio bat izan behar da osagarriak diren irudi eta testu laburren bidez kontatua. Lehiaketa epea idekia da eta parte hartzaileek 2020ko maiatzaren 8a arte dute lanen helarazteko. Saridun bakar bat izanen da; haren liburua argitaratzeko parada eskainia izanen zaio eta 5000€ irabaziko ditu, egile eskubideen aurrerapen gisa.

2019an, Aintzane Usandizaga eta Asier Iturralde bikoteak jaso zuen saria Etxe honetan albumarekin.

 

Ikus  Etxeparesaria.eus

"Susmaezinak" liburuaren aurkezpena

Euskal Herriko gatazka ardatz hartuta, Susmaezinak eleberria argitaratu du Itxaro Bordak. Gatazkaren bi aldeetako biktimei eman die hitza.

Susmaezinak eleberriaren aurkezpena Itxaro Bordarekin, euskaraz bat-bateko itzulpenarekin frantsesera. Urtarrilaren 17n ostiralean 19:00tan Hizkuntza etxean Baionan. Jakinolak antolaturik.

 

Ikus Eke.eus gunean

"Miñan" liburuaren aurkezpena

Miñan Ibrahima Balderen bizitzaren kronika da; Gineatik Europara joan zen desagertutako anai gaztearen bila, basamortua eta Mediteraneoa zeharkartuz. Amets Arzallus Antiak Ibrahimaren kontakizuna bildu eta idatzi du.

Miñan eleberriaren aurkezpena euskaraz Amets Arzallus Antia eta Ibrahima Balderekin, urtarrilaren 9n ostegunean 19:30tan Hazparneko Elgar zentroan. Hazparneko Gau Eskolak antolaturik.

 

Ikus Berria.eus gunean

Bilaketa

Dokumentu bat bilatu

Artikulu bat bilatu

Azken berriak