Azken berriak

Le Chipiron Lecteur haur literatur festibala

Le Chipiron Lecteur 0-16 urte arteko haur literatur festibala Hendaiako Mendi-Zolan kultur zentroan iraganen da azaroaren 15tik 17ra, Txikiekin elkarteak antolaturik. Festibalaren xedea tokiko eleaniztasuna islatzea denez, bertara gomitatuak diren idazle eta argitaletxeak euskaldunak, frantsesak edo espainolak dira. 

 

Ikus gunea

Bernardo Atxaga Espainiako Letren Sari Nazionalaren irabazle

Espainiako Kultur Ministerioak 1984az geroztik urtero banatzen duen sariak egile baten obra osoa ohoratzen du. Cervantes sari ospetsua gaztelerazko idazleei banatua baldin bada, Espainiako Letren Sari Nazionala haatik iberiar lurraldeko hizkuntza batetan idazten duen sortzaile orori zuzendua da. Aurten lehen aldikotz, euskal idazle batek lortu du. Aitortza ofizialarekin batera Bernardo Atxagak 40 000 €ko beka jasoko du.

 

Ikus Berrian

Nafarroako Euskal Irakurle Taldeen 2. biltzarra

Azaroaren 16an larunbatarekin Iruñako Liburutegi Nagusian iraganen da bigarren aldikotz Nafarroako Euskal Irakurle Taldeen Biltzarra. Euskal literatura zale orori idekia den topaketa goizeko 9:00tan hasiko da, hitzaldi eta irakurketa tailerrekin, eta bazkari batekin bururatuko. Iparraldeko irakurleei ere gomita luzatua zaie, taldeetan ibiltzen direnei ala ez.

 

Ikus Eke.eus gunean

Jon Bagues etnomusikologoaren hitzaldia Baionan

Baionako Hiriak eta Euskal kultur erakundeak antolatutako Koruak festibalaren karietara, Jon Bagues etnomusikologoak hitzaldi bat eskainiko du azaroaren 2n larunbatean 16:00tan Baionako Elkarteen Etxean.

Jon Bagues Oreretan kokatua den Eresbil euskal musikaren artxiboaren zuzendaria da. 1974n sortua, Eresbil erakundearen xedea musika-ondarea eta batez ere euskal musikagileen sorkuntzak biltzea, ikertzea, zaintzea eta zabaltzea da. Idatzizko eta ikus-entzunezko artxiboak kontsulta daitezke bertan baina liburutegi zerbitzua ere eskaintzen du zentroak, mailegatzeko aukerarekin (partizioak, musika-literatura edo prentsa).

Mintzaldi horretan, Jon Baguesek zentro honen eginbeharrak eta helburuak azalduko ditu, koruen musiken inguruan dauzkan baliabideak lehenetsiz.

 

Ikus Eke.eus gunean

Bilaketa

Dokumentu bat bilatu

Artikulu bat bilatu

Azken berriak