Azken berriak

211 musika argitalpen berri 2019an

Badok euskal musikari zuzendutako atariak 2019 urtearen bilana plazaratu du. 211 musika argitalpen zenbatu ditu aintzineko urtean, euskarri fisikoak (diskoak, biniloak) eta digitalak oro har kontutan harturik.

Diskoa lehen musika euskarria gelditzen da, 121 ekoizpenekin. Biniloaren indarberritzea nabarmentzen da bestalde 38 ekoizpenekin. Haatik 24 sorkuntza bakarrik atera dira euskarri digitalean.

  

Ikus artikulua Badok.eus gunean

Euskaltzaindia Bernardo Atxagak kontaturik

Euskaltzaindiaren ehungarren urtemuga kari, Bernardo Atxagak euskararen normalizazioaren eta defentsaren alde lanean ari den erakundeari buruzko dokumental bat zuzendu du. Ordu beteko filma Euskal telebistan hedatua izan da joan den udazkenean. Oraindik goiti, bideo hau baita ere honen bertsio laburra frantsesezko azpitituluekin interneten ikusgai dira.

  

Ikus Eke.eus gunean

«Sorcellerie. Manigances et sarabandes» liburuaren izenpetzea

«Sorginkeria. Jukutriak eta dantzak» Claude Labat eta Markok sortu erakusketa urtarrilaren 31a arte luzatua da Irisarriko Ospitalea zentroan.

Bi egileak izen bereko liburuaren izenpetzera etorriko dira urtarrilaren 18n larunbatean 10:30tan.  

Ikus Ospitalearen gunean

Etxepare saria 2020

Euskaraz sortutako albumen ekoizpena sustatzeko helburuarekin sortu zen Etxapare saria 2009n. Nafarroako herri eta eskualde ezberdinetako euskara-zerbitzuek antolatzen dute Pamiela argitaletxerekin lankidetzan eta Nafarroako Gobernuaren babesarekin.

Etxepare sariak haurrei zuzendutako obra ilustratuak sariztatzen ditu. Sorkuntza lanak albumaren ezaugarriak bete behar ditu derrigorrez, hots narrazio bat izan behar da osagarriak diren irudi eta testu laburren bidez kontatua. Lehiaketa epea idekia da eta parte hartzaileek 2020ko maiatzaren 8a arte dute lanen helarazteko. Saridun bakar bat izanen da; haren liburua argitaratzeko parada eskainia izanen zaio eta 5000€ irabaziko ditu, egile eskubideen aurrerapen gisa.

2019an, Aintzane Usandizaga eta Asier Iturralde bikoteak jaso zuen saria Etxe honetan albumarekin.

 

Ikus  Etxeparesaria.eus

Bilaketa

Dokumentu bat bilatu

Artikulu bat bilatu

Azken berriak