Azken berriak

(H)ilbeltza beka 2021 martxan

(H)ilbeltza elkarteak, Txalaparta argitaletxeak eta Baztango udalak aurten ere euskal literatura beltzaren bultzatzeko deialdia luzatzen dute.
Sormenezko eleberri edo ipuin-bildumak aurkezten ahalko dira, jatorriz euskaraz idatziak noski eta argitaratugabeak.
Laginak 2020ko abenduaren 4a baino lehen helarazi beharko dira Baztango herriko etxera. Irabazlearen izena 2021eko urtarrilan agertuko da, (H)ilbeltza festibalaren karietara.
Irabazleak 6000 euroko beka jasoko du bi alditan. 2021ean argitaratuko du lana Txalaparta argitaletxeak. 

Ikus Uberan.eus atarian

"1620, Nafarroako lo(r)aldia" mintegia Donapaleun urriaren 3an

Duela 400 urte, Nafarroako eta Frantziako erresumak bateratu zituen ediktua sinatu zen. 1620an, "Nafarroako garai kultural oparoenaren amaiera eragin zuen gertakari historikoa eman zen". Garai ezinbesteko hori gogora berriz ekartzeko helburuarekin, Nabarralde Fundazioak, Zabalik Elkarteak eta Hernani Errotzenek 1620, Nafarroako Lo(r)aldia mintegia antolatzen dute, urriaren 3an Donapaleun.

Egun berean estrenatuko dute Nafarroako Errenazimendua erakusketa, Asisko Urmeneta marrazkilariak zuzendu eta asmatua, ondotik Euskal Heriko hainbat hiritan ibiliko dena.

 

Ikus egitaraua Nabarralde.eus atarian

Anjel Lertxundiren hitzaldia urriaren 26an Jakinolan

JAKINOLA Hizkuntzen Etxea hezkuntzako profesionalek sortu eta kudeatzen duten hizkuntza-prestakuntzako zentroa da, Baionan. Ikastaroak eta doako animazioak proposatzen ditu, kulturen arteko ezagutza eta trukaketa sustatzeko, hizkuntza-aniztasuna zaindu eta indartzeko.

Hizkuntzen Europako eguna eta Mintzalasai festibala kari, Anjel Lertxundi idazle eta itzultzailea gomitatuko du, duela gutxi argitaratu duen Itzuliz usu begiak liburuan oinarrituz, itzulpena eta euskal literaturaren arteko harremanak aipatzeko: Literatura eta itzulpena, etxe bereko.

Irailaren 26an 18:30tan, Baionako Jakinola Hizkuntza etxean. Sarrera doakoa da.

Ikus Jakinola.eus atarian

Maddi Ane Txoperena Iribarrenek lortu du Igartza saria

Maddi Ane Txoperena Iribarren idazle bertsolariak, XXIII. Igartza saria irabazi du, Ez erran inori eleberri egitasmoari esker. Idazlearen bigarren obra honek - Ene baitan bizi da bere prima opera 2020 urte hastapenenan agertu zen - haurtzaroko sexu-abusuen gai latza jorratuko du.

Igartza sariak 35 urtepetikako idazleak laguntzen ditu, beka bati esker idazlan proiektua gauzatzeko aukera eskainiz irabazleari.

Liburua 2022ko udaberrian plazaratu behar luke Elkar argitaletxeak.

Ikus Berria atarian

Bilaketa

Dokumentu bat bilatu

Artikulu bat bilatu

Azken berriak