Azken berriak

Euskal kultur munduan greba digitala

Kultur munduko langileak bortizki hunkitzen ditu COVIDaren krisiak, eta denbora berean, sekulan bezain gehiago ibiltzen dira sare sozial guzietan kantuak, irakurketak, filmak, antzerki grabatuak, liburu gomendioak, egongelako kontzertuak, dantza ikastaroak…

Hortakotz euskal kultur munduko 1000az goiti idazle, sortzaile, egileek dei bat egiten dute Euskal Herriko gizarteari baita erakunde publikoeri.
Hauen mezua hau da: gaurko krisiak nabaritzen du premiazkoa eta beharrezkoa dugula kultura. Eta denbora berean osoki hauskor eta babesgabea gelditzen da euskal kultur ekosistema.
Galdegiten da konzertazio bat plantatzea Iparraldeko, Euskadiko eta Nafarroako erakundeen artean, urgentziazko eta epe luzerako neurri salbagarriak hartzeko.

Hortarako, greba digitala egitera apirilaren 21 eta 22an deia zabaldua izan da. Xedea da gizartearen baitan kontzientzia hartze baten eragitea, gure kulturaren biziraupena bermatzeko.

 

 

IkusKulturgintzan.eus

 

Konfinaturik ere #6

Konfinaturik ere, Nora Arbelbide Lete Biarritzeko mediatekako liburuzainarekin hitzordua. Gustatu zaizkion euskarazko dokumentuen - liburuak, musika, filmak... - aurkezteko parada Norarentzat.

 

Konfinaturik ere #6: Elsa Scheelen, Txillardegi (1969) eta Egunero hasten delako, Ramon Saizarbitoria (1969).

 

 

Gisèle, Egunero hasten delako liburuko protagonista da. Eleberria ez da sarean baina hitzaurrea eta lehen orriak hemen irakur daitezke.

Elsa Scheelen eleberriak bezala iaz 50 urte bete zituela ere Egunero hasten delako liburuak, Amagoia Gurrutxagak Berria egunkarian serie biziki interesgarria idatzi zuen. Irakurri hemen.

Txillardegiri dagokionez, Elsa Scheelen liburua osorik irakurtzen edo entzuten ahal da Booktegin.

  

Ikus Mintzalasai gunean

Konfinaturik ere #5

Konfinaturik ere, Nora Arbelbide Lete Biarritzeko mediatekako liburuzainarekin hitzordua. Gustatu zaizkion euskarazko dokumentuen - liburuak, musika, filmak... - aurkezteko parada Norarentzat.

 

Konfinaturik ere #5: Pontrique, Lucien Etxezaharreta

 

 

Lucien Etxezaharreta idazlearen Pontrique olerkia, Maiatz aldizkarian argitaratu zuen lehenik 2001ean eta ondotik Begira bilduman (Maiatz), 2012an.

Hemen aurkituko duzue osorik.

Hemen Lucien Etxezaharretari egin elkarrizketa bat.

Aitzaki bat Maiatz elkarteak egin lan handia gogoratzeko.

1982az geroztik hamarnaka autore argitaratu baititu bere aldizkarian edo liburuetan.

Hemen aurkitzen ahal dituzue aldizkariaren lehen hamar zenbakiak numerizaturik.

  

Ikus Mintzalasai gunean

Konfinaturik ere #4

Konfinaturik ere, Nora Arbelbide Lete Biarritzeko mediatekako liburuzainarekin hitzordua. Gustatu zaizkion euskarazko dokumentuen - liburuak, musika, filmak... - aurkezteko parada Norarentzat.

 

Konfinaturik ere #4: Zergatik Panpox, Arantxa Urretabizkaia

 

 

1979an argitaratu Zergatik Panpox eleberriak erreferentzia bat izaten segitzen du, aro modernoko lehena baita, nolabait laburbiltzeko, emazte batek idatzia, emazte gorputz batetik, emazte bat duela protagonista. Emazte baten buruan pasatzen denaz.

Liburua bera ez denez sarean, liburua eskuragarri egin arte, mediateka edo saltegiak ireki arte pazientzia elikatzeko, hemen bi proposamen.

Batetik, bide urratzaile izan zen Amaia Lasa poetaren bi poema: Nereak ez diren hauetarik eta Jaungoiko guztiak (Poema Bilduma, 1971)

Bigarrenik, beste erreferentzia nagusietako bat den Miren Agur Meaberen Azalaren kodea (2000) liburutik hartu ANTSIEN OHARRAK – 2, autoreak berak irakurririk. Liburua osoa sarean dago.

Eta azkenik, Eider Rodriguezen Idazleen gorputzak, literaturaren inguruko hausnarketa eta kritika ez ezik, emakumeek literaturan duten tokiaren inguruko datuak eta emakume idazleen ahotsak dakartza.

  

Ikus Mintzalasai gunean

Bilaketa

Dokumentu bat bilatu

Artikulu bat bilatu

Azken berriak