Visiteur agurgarria,

BILKETAren azaroko berri gutun honetan, hainbat berritasun atzemanen dituzu: Paristar euskaldun batek sorterrira eginiko bidaiaren kontakizuna 1927an grabatua, Kirmen Uriberen lehen eleberria Aurelio Artetaren margolan batek bultzatua, Kuartz bikotearen rock astuna eta Paristik Loiura doan hegaldi gora-beheratsu bat.

Aldiz liburutegiak hetsiak izanki, ez duzu animazioen berririk aurkituko.

Gure hautaketa

Berriki numerizatutako dokumentu bat aurki ezazu...

15 egun nire Euskal Herrian: kontakizun bat hiru hizkuntzetan

Mintzoaren artxiboa osatzen duten 1.300 soinu-grabazioen artean, batek bereziki gure arreta atxiki du: jatorriz Ispasterrekoa (Bizkaia) zen gazte batek sorterrira egin zuen bidaiaren kontakizuna, hiru hizkuntzetan. (...)

Gehiago jakin

Testu hautatuak

Euskarazko edo Euskal Herriari buruzko idazki bat aurki ezazu...

Bilbao-New York-Bilbao. Kirmen Uribe, 2008

« Berrogeita bost urte beranduago joan nintzen ni museo berera. Koadro baten berri jakin nahi nuen, eta hartara. Aurelio Arteta margolariaren koadro baten aztarnaren atzetik nenbilen, erdi ezabatuta dagoen pista bati jarraituko banio bezala, oso modu intuitiboan. Barruko ahots batek esan zidan koadro hori garrantzitsua zela, ezinbesteko pieza izango zela idazten ari nitzen nobelan.(…) »

Gehiago jakin

Fokusak

Liburu bat, film bat, disko bat aurki ezazu...

II

Kuartz. Auto ekoizpena, 2020.

Ibes Mongaburek (gitarra, ahotsa) eta Oihan Delavignek (bateria, koruak) osatzen dute Kuartz. Haien musikak stoner rock astuna eta bluesa uztartzen ditu, erritmo errepikakor eta hipnotikoen bidez, kantu melodiatsu eta “retro” kutsuko ekoizpenekin. (...)

Gehiago jakin

Zendabalitz

Erika Elizari. Elkar, 2020.

Parisko Charles de Gaulle aireportutik Loiukora doan hegaldia. Barnean hamaika bidaiari eta hainbat istorio. Eleberri koral honetan, jarleku batetik bestera pasatuz, irakurlea bidaiari bakoitzaren gogoetetan murgiltzen da. (...)

Gehiago jakin

Azken berriak

Animazioak

Bilketa sareko egitura partaideek antolatutako animazioak ezeztatuak dira abenduaren 1a arte bederen.